مشاركان في مؤتمر الشباب يقلدان وزير الدفاع الرتبة الجديدة كفريق أول

نص كلمة الرئيس خلال افتتاح المؤتمر الوطني السادس للشباب بجامعة القاهرة 28/7/2018


بسم الله الرحمن الرحيم،

اسمحوا لي في البداية وقبل ما نبدأ فعاليات المؤتمر إن أنا أتوجه لكم جميعا كل الحضور اللي موجود ولكل الشعب المصري بالتحية والاحترام والتقدير والإعجاب كمان، والإعجاب الحقيقة، لأن زي ما قلت كدة وبتسعموا مني دايمًا إن البطل الحقيقي للي إحنا بنعمله كله، اللي إحنا بنعمله كله، هو الشعب المصري، فمن فضلكم تحية ليه، للشعب المصري نفسه (تصفيق)

الحقيقة.. قبل بردو ما، ما نفتتح المؤتمر، دايما القوات المسلحة بنتكلم عليها لأنها هي في علاقة خاصة جدا جدا بينها وبين شعبها، ودايما كانت بتبقى موجودة في الموقع في الموضع إللي الشعب المصري بيطلبه وبيتمناه منها، وعشان كدة كان مهم قوي إن في المؤتمر ده نأكد على المعنى القوي ده، بإن إحنا هنا في أعرق معهد علمي وتعليمي في مصر، وفي المؤتمر ده إن إحنا آآ نشهد من شباب ال، شباب مصر إعلان ترقي الفريق محمد زكي إلى رتبة الفريق أول، فاسمحولي إن إحنا نحييه (تصفيق) (يخرج الفريق إلى المنصة ويصافح الرئيس، ويقومون بتغيير رتبه)

بسم الله الرحمن الرحيم،

من هذا المعهد العلمي العريق الذي يجمع مابين أصالة التاريخ وعراقة العلم، تلك المنارة من منارات الوطن المضيئة، من جامعة القاهرة، وبإيمان بأن الحوار والتواصل هما الطريق لبناء مجتمع مصري قوي وبيقين راسخ في شباب مصر، شباب مصر العظيم، أفتتح المؤتمر الوطني السادس للشباب، جامعة القاهرة يوليو 2018، (تصفيق) وبقوة شبابها، وبقوة شبابها ستحيا مصر دائم بإذن الله.

تحيا مصر، تحيا مصر ، تحيا مصر (تصفيق)


الخطابات الكاملة للسيسي، تقدمها المنصة في هذا الرابط


ألقيت الكلمة في قاعة المؤتمرات بجامعة القاهرة، بحضور الدكتور مصطفى مدبولي رئيس مجلس الوزراء، والدكتور علي عبدالعال رئيس مجلس النواب، وعدد من كبار المسؤولين، ومشاركة 3000 شاب من مختلف المحافظات.