الرئيس عبد الفتاح السيسي. الصورة. المتحدث باسم الرئاسة- فيسبوك

نص كلمة السيسي خلال "نموذج محاكاة الاتحاد من أجل المتوسط" 16/12/2019

نحن نقوم بخطة ضخمة جدا للتعامل مع البحيرات المصرية التي تطل على المتوسط، وإحنا بنتكلم في 5 بحيرات، وبنبذل فيها جهد ضخم جدا.


اسمحولي إن أنا أشكركم على المقترحات، وعلى التوصيات اللي تم اعتمادها، وقد إيه هي بتعكس الرؤية، والقدرة على العمل الجماعي في مواجهة التحديات اللي موجودة واللي تم تبني التوصيات فيها.

وأنا اسمحولي بس مش هاطول عليكوا طبعا، أن عارف في جهد اتبذل خلال اليومين تلاتة اللي فاتوا كبير قوي، بس عايز أقولكوا إن إحنا هنا في مصر بنبذل بردو يعني جهد كبير جدا في إجراءات، أو في ملف التحول الرقمي، وفي ملف دعم التشغيل من خلال المشروعات الصغيرة والمتوسطة، ومن خلال بردو موضوع إنتوا اتكلمتوا فيه وموضوع مهم جدا خاص بالبيئة.

نحن نقوم بخطة ضخمة جدا للتعامل مع البحيرات المصرية التي تطل على المتوسط، وإحنا بنتكلم في 5 بحيرات، وبنبذل فيها جهد ضخم جدا، كنت أتمنى إن هي من باب بس الطرح أو إن إحنا كنا عرضنا على شباب العالم اللي موجود معانا جهد مصري خالص، بدون حتى يمكن يكون دعم خارجي، إحنا بنتعامل مع 250 ألف فدان بحيرة 250 ألف فدان، بنغير كل اللي حدث فيها من إهمال خلال سنين طويلة، نعيدها إلى حالة بيئية قد تكون هي الأفضل خلا ال50 أو 60 سنة اللي فاتوا.

فكنت أتمنى إن إحنا كنا بردو عرضنا عليكم حاجة زي كده، وبتمنى مقترح مش عارف، يعني، إحنا بنبني مدينة العلمين الجديدة، وإنتوا قلتوا 20-21. معرفش هل إنتوا حطيتوا فكرة إن إحنا يبقى منطقة أورومتوسطية للتعليم العالي والعلوم والبحوث في العلمين الجديدة، ده أمر يعني محطوط في الاعتبار، ولا ممكن نحطه في الاعتبار في إطار إن ده فرصة كويسة قوي في المؤتمر ويبقى يطلع مع التوصيات اللي طلعت يعني.

أنا مرة تانية بشكركم على كل المقترحات والتوصيات اللي قدمها الشباب. سعيد جدا بهذا الأمر الحقيقة، وبهذا الإعلان، وبتمنالكوا التوفيق، شكرا جزيلا. (تصفيق)

...

ألقيت الكلمة بمدينة شرم الشيخ، ضمن فعاليات منتدى شباب العالم في نسخته الثالثة، بحضور عدد من الشخصيات المحلية والعربية والدولية، بالإضافة إلى عدد كبير من الشباب من حول العالم.

...

خدمة الخطابات الكاملة للسيسي تجدونها في هذا الرابط