السيسي أثناء إلقاء كلمته أمام الطلاب الجدد في أكاديمية الشرطة. الصورة: المتحدث باسم الرئاسة- فيسبوك

نص كلمة السيسي أمام الطلبة الجدد في أكاديمية الشرطة 22/1/2021


بسم الله الرحمن الرحيم،

اسمحوا لي إن أنا أرحب بيكم، وأقولكوا كل سنة وإنتوا طيبين. كان ضروري إن أنا، يعني، آجي بعد شهر تقريبًا، عشان أهنيكوا على انضمامكم لكلية الشرطة، وهنا في وزارة الداخلية وفي قوات الشرطة بتقوم بمهمة مقدسة، هي حفظ الأمن والاستقرار في الدولة المصرية، وبذلت جهود كبيرة، وقدمت تضحيات كبيرة خلال السنين اللي فاتت. وعشان كدة وجودكم ليه معنى كبير قوي. معناه إن إنتم، يعني، بتشاركوا، ومستعدين تقدموا كل حاجة من أجل الحماية والحفاظ على كل المصريين.

فـ.. بأهنيكوا عالإنضمام، بأهنيكوا على النجاح في الجزء من المرحلة الأولى، وإن شاء الله دايما دايما موفقين. وطبعًا أنا عارف النهاردة إن في زيارة للأسر لكم، فـ.. بلغوا تحياتي لأسركم واشكروهم بالنيابة عني وبالنيابة عن كل المصريين، إن هم أعدوكم بشكل جيد، وكمان مابخلوش أبدا على إن هم يقدموكم لمصر، تكونوا ذخر لها، وحماية لها، وأمن لها.

فـ.. أرجو إنكوا إنتوا تبلغوهم تحياتي وتقديري لكم ولهم، وخلي بالكوا من نفسكم، عشان ظروف الجائحة يعني. مرة تانية بقولكوا كل سنة وإنتوا طيبين، وبأشكركم، وبتمنى لكم كل توفيق، وربنا يا رب يحفظكوا ويحميكم إنتم وكل مصر من كل شر وسوء. كل سنة وإنتوا طيبين. متشكرين، شكرا.


ألقيت الكلمة في أكاديمية الشرطة، في زيارة تفقدية اطلع فيها الرئيس على ميادين التدريب المتنوعة بالأكاديمية أثناء آداء الطلبة للطابور الصباحي.


خدمة الخطابات الكاملة للسيسي تجدونها في هذا الرابط