نص مداخلات السيسي أثناء جولته التفقدية في العاصمة الإدارية الجديدة 8/2/2021

متصور إن يتحط ده كله بشكل تاني بمفاهيم تانية، بفكر تاني، بتطور جديد. إمبارح إنتو زي ما شوفتوا كدة، كنا في، بنقول نصلح الجزء اللي هو الكيلو 4 ونص.. تصدقوا إن إصلاحه أغلى من اللي إحنا بنعمله ده؟ تخيلوا؟ وإنتو ناس مهندسين فاهمين الكلام ده. لأن أنا آخد حتة أرض فاضية أعمل فيها اللي أنا عايزه، خلاص، هاعمل تخطيط وأعمله.

لكن أنا هخش على مكان فيه بني آدمين عايشة، البني آدمين دي عايزة تعيش وما تتبهدلش، ووراها مصالح ووراها ولاد في مدارس، عايز تاخدهم أو تاخد جزء منهم، عشان تفتح طريق، وتوديهم في مكان كويس، فالجديد الناس بتتصور إن هو تكلفته إيه؟ غالية، لا والله، النهاردة إحنا بنتكلم في إعادة صياغة الريف، حاطين 500 مليار، وبنتمنى إن الرقم ده إيه، يكفي.

واخدين بالكو؟ أنا قلت مرة قبل كدة الرقم ده ليكو، وقلته للناس، قلت القاهرة حتى الآن، اتصرف عليها خلال الخمس ست سنين بتوعنا دول 200 حاجة وتمانين مليار.. كل حاجة معمول حسابها للناس، عشان تعيش.

ده عمل عملاق، لما نيجي للحلول الهندسية اللي إنتو عملتوها لمواجهة التحديات بتاعتكو اللي إنتوا عملتوها في المبنى. لكن بقول، عشان ده.. آه يتوثق كدة، وهم ناس عندهم العلم ده، وبنيجي إحنا نقولهم، إنتو طبعا مصورين كل حاجة، فبييجي تقوله ده، التحدي ده، وعملنا كدة، والتحدي ده، وعملنا كدة، والتحدي ده وعملنا كدة، إحنا مقدرين اللي إنتو عملتوه، لكن إحنا عايزين الدنيا تعرف إن إحنا عندنا شركات وطنية قادرة على إنها تعمل شغل بالمستوى ده، بالتحديات دي.

ألقيت الكلمة في العاصمة الإدارية الجديدة، أثناء قيام الرئيس عبد الفتاح السيسي بجولة تفقدية حيث اطلع علي الموقف التنفيذي والإنشائي لعدد من الأحياء والمنشآت.

خدمة الخطابات الكاملة للسيسي تجدونها في هذا الرابط